نكت مرسي نكت علي الرئيس و جماعه الاخوان

مرسي بيفكرني بإعلان بيريل ، ياخد القرار الثوري وشنب شيخ البلد يملى وشه ، ومع أول تحدي بيجيب ورا وبيبقي الموزامبليه هياكل منه حته !

عاجل: جماعة الاخوان المسلمين تعلن تأييدها لقرارات مرسي القادمة
التي لم يصدرها بعد وتؤكد أنها قرارات حكيمة وتصب في صالح الوطن

مذيع بيقول لرقاصة مصرية الاخوان المسلمين مسكوا الحكم فى مصر قالت و ماله نمثل معاهم قال لها ازاى قالت اكيد هيعملوا مسلسلات دينية و عاوزين كفار

قررت شركات المحمول التلاتة فى مصر تغيير الرسائل على النحو التالى:
تولي الاخوان الحكم:
كلمني جزاك الله كل خير
اشحنلي بالله عليك
......الهاتف المطلوب ربما يكون مغلقا والله اعلم

لو حضرتك قاعد قدام الشاشة و بتتفرج معانا …..
هتلاقي ع اليمين المعارضة مستنية تعارض القرارات مهما كانت هيا ايه.
و على شمالك بالأعلام الخضرا الإخوان مستنين يبرروا القرارات
مهما كانت هي إيه
و بقول للناس الفي البلكونه تخش
عشان الصلاه قربت تخلص و المتش يبتدي

اهم انجازات محمد مرسي فى 8اشهر
* أعاد الثقة فى الجيش المصرى والمجلس العسكرى.
* أعاد شعبية مبارك بين كثير من الناس، وجعل عشرات الآلاف يشتركون فى صفحة (أنا آسف يا ريس).
* ساهم بقوة فى انخفاض سعر.. الجنيه، وأعان الدولار على الصعود.
* ساعد العديد من المستثمرين.. على سحب استثماراتهم من مصر.
* تساوى فى عهده الرجل والمرأة.. فى السحل والتعذيب والتعرية.
* أول من أعطى للربا لقب رسوم إدارية.
* أول رئيس مرؤوس فى تاريخ مصر.
* يطبق صلة الرحم التى أوصانا بها الله عز وجل.. فى تعييناته (ابن اخته نائب رئيس ديوان رئيس الجمهورية).
* اختفى فى عهده الملثم الذى يفجر خطوط الغاز
* يُنسب له الفضل فى تحويل الفلول إلى ثوار.
* أول رئيس مصرى يرسل لرئيس إسرائيلى خطابات.. ناعمة وقوية وكلها حنية.
* أول رئيس مصرى لا يغنى له أحد من المطربين ولا حتى المنافقين، لأنه شخصياً يغنى.. علينا.
* صرف انتباهنا عن السحابة السوداء.. بما يخلفه لنا من أمل.. فى الهجرة.
* يُشعرك دائماً بالأمل فى لغتك الإنجليزية التى مهما كانت رديئة فستكون أفضل من تلك التى يتحدث بها.
* أول من دعا قاتلاً للاحتفال بذكرى نصر صنعه ضحيته (راجع احتفالات أكتوبر الأخيرة).
* يُشعرك دائماً بالقرب من الله عز وجل (ده احنا بندعيله دعا).
* الرئيس الوحيد فى العالم الذى خرج يحدّث شعبه فى حوار (بعد نص الليل).
* أول من خلع بالقانون نائباً عاماً مشكوكاً فى نزاهته، ليأتى بنائب عام مشكوك فى نزاهته برضه.
* شعر بالحنين لشعب بورسعيد حين قابل «ناس» من شعب بورسعيد فخرج يكلم عبر التليفزيون أهل بورسعيد، فى واقعة لم يفعلها قبله سوى سئيل الندمان فى مسرحية تخاريف (أنا شعبى وحشنى وعايز اكلّمه.. ادّينى الشعب).